| 最近個心好矛盾 有時又覺得自己出奇的平靜 有時候又覺得為什麼自己會那麼煩燥不安 最近被一位好朋友成日話我要知道自己點做 知道自己方向唔可以盲目跟住一個人走 我好似有小小改變 我真係希望呢個改變我可以好好keep住 慢慢調教番自己的情緒 我亦同自己講 我yuki永遠唔會再係你面前哭 就算我哭我都只會躲起來 因為我知道你只希望看見我笑 我為你流的眼淚是浪費了 希望yuki真係可以好好生活 好好想一想自己真正需要d咩 要對自己有信心 加油..yuki |
| |
| 好耐無打過呢到的xanga啦 真係唔知打d咩 好朋友karen走了 唔再一齊做野 剩下我真的好累 真的不想再聽到身邊那個成日再說自己有幾辛苦 我一個人做2個人的工作比你更慘 希望快d請到人啦 家庭生活就依然好好 搬回家住之後我都覺得過得好好 daddy mummy好錫我 感情生活上知道佢有時真係對我好好 but唔知why我成日都有捉不到的感覺 同你已經一年3個月啦 好像什麼還是無咩進展 在你心中我依然不是一個好女友 在我心中你依然是一個不太著緊我的男友 我都不知道是我問題還是你不肯去改變 我愛你 所以我不想放手 我叫自己心態改變 不再執著 可是我真的想找回開心的感覺 順其自然.唔好太多事發生我已經夠了 |
| |
| 尋日同好耐無見的mary同埋shirley去食dinner 我們去了neway city 唱k.唱完k之後興起去了廟街玩塔羅牌 因為shirley話好準 不過就唔係我以前同fion去個間 不過個間講得都好準呀 佢講我同佢now的8situatiion都幾準 不過我反而喜歡佢比我的啟示 因為佢叫我放鬆一點 我聽完之後好似立即醒了一醒 我知道是時候要理智一點 不理智盲目了好一段時間 我應該將自己放回第一位了 加油yuki 我真係希望自己可以有改變 同你們出去我真係好開心 因為我覺得好無壓力我可以好開心咁笑 好開心咁玩 喜歡說什麼就說什麼 不用顧慮什麼 仲有我發生什麼事都有你們說一句我支持你 Shirley…多謝你1:00幾仲send sms去support我 原來我身邊不止你一人 我還有好多好朋友在身邊 |
| |
| 今日在公司無咩野做 睇了好多無聊野 第一個是阿嬌的志雲飯局 第二個就係14歲媽媽的xanga 再睇了一個21歲讀大學但有一個1歲幾女女的大學生blog 阿嬌好傻好天真真係形容得佢幾貼切 不過睇訪問其中係陳志雲問佢why會喜歡陳冠希? 佢有咩吸引你? 佢答唔知…喜歡就是喜歡 佢可以令我好開心 佢可能一個sms都可以令我好開心 我明白喜歡一個人時,無論佢做d咩小小事都好…只要係為你而做 你就會覺得好開心!我明白….因為我都試過 好似我喜歡johnny咁…好容易為佢小小事就情緒有波動 可以大起大跌的 不過我知道咁樣其實對自己唔太好 因為我慢慢開始我的開心同唔開心都源於佢 好影響我的生活 我要開始慢慢習慣下抽離番… 要做回一個自己可以令自己開心的人 另一面當我睇有關14歲媽媽的報導同埋xanga內容時 我真係覺得佢好傻同埋好不知所謂 雖然年少輕狂,但始終是一個小生命,生了出來要負責任嫁 佢仲自爆話佢以前點樣玩一個男仔又話自己玩過5P 現在的女仔真係唔知佢唸咩 是否覺得自己咁威 再之後睇了21歲媽媽有一個一歲半的女 BUT從佢BLOG中感受到佢開心 雖然辛苦BUT佢都好盡力做好佢的媽媽 佢老公都好錫佢 其實年齡唔係問題 最緊要係有一個健全的成長環境比佢 同埋兩個都為子女好 同埋會盡番責任, 我突然睇完咁多野問了自己一個問題 如果呢一刻我有了BB我會點選擇呢 我一定唔會生佢出來 因為我覺得JOHNNY其實唔係唔喜歡小朋友 但我知道我男朋友現在唔想有BB住 再加上我覺得我有一個心態就是 我雖然好喜歡小朋友,但我喜歡還喜歡 我嚮往有BB時我真係覺得自己好幸福 老公好錫我,老公都好期待我們有新的家庭成員時 我才會想生BB!! 每次聽別人講BB時 我自己都好想自己可以有這樣當媽媽的感覺 希望我將來真係可以有一個幸福家庭錫我的老公同埋一個好得意的小朋友 |
| |
| 不知不覺已經兩個幾月無打過xanga啦 朋友們都問why我唔再打xanga 曾經我天天都係呢到打 但現在我感覺沒什麼好寫 亦不想記下一d不開心的事情 呢一段日子同男朋友有好多唔開心事發生過 我同佢依然在一起 只有一個原因 我真係唔想放棄你 儘管別人怎樣看 我都相信我們兩個是相愛只是有時溝通出現問題了 同你傾完我都覺得自己唸法變了 感覺好好多 不過我還是希望今年我同你關係平平靜靜開心就夠了 今年我許了好多次願 同一個願望許了3-4次會唔會可以令我更容易實現呢 話咁快同你差不多一年啦 希望大家好好珍惜這一年大家相處的時間 亦好好往後看 |
| |
